अपराध माझा असा काय झाला?
जवळी येऊन मग दूर तू गेला
सांगून बसले हृदयाचे बोल
तू ना जाणले प्रीतीचे मोल
जवळी येता स्वप्न झाले
एकांताचे कारण आले
अपराध माझा असा काय झाला?
स्वप्नाच्या दारी थेंब आला!
तू येता ओठी आले
शब्द बनूनी गीत झाले
तरी न जाणले गुन्हा हा कसला?
प्रेम करण्याचा बहाणा झाला
अपराध माझा असा काय झाला?
आपलाच भाव परका झाला!
सुन्या माझ्या अंगणी
येऊन जा रे
या मनास जाणून घे रे
तू नसल्याची ओढ, हि खंत
ना तू येण्याचा माझा अंत
अपराध माझा असा काय झाला?
तुझ्यासाठी मरण्याचा बहाणा मिळाला...............
स्वरचित :- प्रिती अ. खेडेकर
वेळ : ७.००
दिनांक : २९.०९.२००२ वार : - रविवार
No comments:
Post a Comment