अडकली आहे जी तुझ्यात
ती रात्र तू सोडवून जा
प्रीतीच्या या अंधाराची
प्रकाश वाट ओळखून जा..............
जागले रात्री अशा
स्वप्नातही जागले...
तुझ्या गगनाच्या वाटेत
डोळ्यांशी चांदणे बांधले..............
त्या चांदण्या नात्यासाठी
चंद्र तू देऊन जा...............
अडकली आहे जी तुझ्यात
ती रात्र तू सोडवून जा
भेटीत अंधार माझ्या
चंद्रही डागाळला
तू नाही आलास मग
मार्गही मी तो सोडला..........
माझ्या त्या राहिलेल्या रात्रीत
तुझी रात्र घेऊन जा.............
अडकली आहे जी तुझ्यात
ती रात्र तू सोडवून जा
- प्रिती खेडेकर
No comments:
Post a Comment