मी होते एकटे
का तू आलास?
नात्याला नाव देऊन माझ्या
'नाते' घेउनी गेलास
'प्रेम' काय माहीत नव्हते
शिकविलेस तू मला
त्याच प्रेमाची 'शपथ' म्हणतोस
विसरून जा मला
स्वप्न तू दिलीस
शब्द मी जोडले
आज त्या स्वप्नासाठीच
शब्दच परके झाले....
जाणते तू लाचार आहेस
म्हणून मी समजून घेते
तू दिलेल्या आसवाना
अजुनही 'प्रेमच' मानते
का तू म्हानालास
साथ देईन मी तुला
आयुष्यभर या नात्याच्या
मिठीत जपेन तुला?
तू म्हणतोस शोधू नकोस
मी तुला भेटणार नाही
तुला साथ देण्यासाठी
अस्तित्वच उरणार नाही....
नसेल जरी तुझे काही
आठवणी माझ्याच असतील
तू येण्याच्या वाटेवर
डोळे येउन थाम्बतिल....
तेव्हाही मी असेन तिथे
तुझे प्रेम घेण्यासाठी....
संपले जरी या नात्यात
उरेन तुझ्या मैत्रीसाठी ...
केवल तुझ्या मैत्रीसाठी .....
प्रिती खेडेकर
No comments:
Post a Comment